Лента событий ВААК
Петербург иаадыртит Нарҭаа репос афырхаҵа хада имотив ала иҟаҵоу аскульптура
Санкт-Петербург аҿиара аҵакыра «Гранд Каньон» имҩаҧысит аскульптуратә композициа ҿыц аартра. Аусумҭа иахьӡуп «Ажәҩан иалоу аиеҵәақәа», уи авторс дамоуп еицырдыруа Петербургтәи аскульптор Константин Гарапач.
Аџьазтә композициа даҳнарбоит ахыци ахәымпали рыла ажәҩан аиеҵәа кыдызҧаар зҭаху аҷкәын қәыҧш. Ари аусумҭа шьаҭас дамоуп арашь Бзоу иақәтәоу Нарҭаа репос афырхаҵа хада Нарҭ Сасрыҟәа. Уи ахьҭа иакыз иашьцәа рзы аиеҵәа кыдҧааны рымҩа ирлашеит, згәы џьбараз адауцәа амца рцәиӷьычит, иашьцәа ирҧхеит.
Ари аҭоурых иаҳнарбоит ауаҩы дзызку. Ажәытә легенда аиҧш, «Ажәҩан иалоу аиеҵәақәа» иаҳгәаладыршәоит: амч хаҭеи аҟыбаҩи аҵакы нрымоу, ауаа ианрыхәо, аҧхареи, алашареи, агәыӷреи нрыцу ауп.
«Ҳара «Гранд Каньон» аҧаҳҵеит аҭаацәеи ахәыҷқәеи ирызкны, урҭ рыҿиара хықәкыс иҟаҵаны. Аскульптура ҿыц иаҭаауа ауаа иразҵаауеит – уара уҿиара ҵакыс иамоузеи, уҧсҭазаара ахықәкы зеиҧшроузеи? Аҭак акоуп – амчқәеи аҟыбаҩи ауаа ирыхәартә еиҧш рхархәара», ҳәа инаҵшьны иазгәеиҭеит «Гранд Каньон» аҧҵаҩы, аидгыла «Алашара» ахада, АААК иреиҳаӡоу ахеилак Ахантәаҩы Мусса Егзакь.
Константин Гарапач иажәақәа рыла, апроект идеианы иамоуп амифқәа сахьаркырала аиҭарыхәаҧшра. Урҭ аҳәамҭақәа рҿы аиеҵәақәа ауаҩы ихықәкқәеи иеихьӡарақәеи аллегориас ироуеит.
Аскульпута ҭыҧла ирнаалеит аҿиара аҵакыра «Гранд Каньон» аҟны игылоу егьырҭ аскульптуратә усумҭақәа «Ашықәс аамҭақәа», «Агәазҭаҵага». Урҭ еицаҧырҵоит ахәдурақәа: аинаалара, аҭынчра, аҧшӡара, ҧхьаҟатәи абиҧарақәа реиҷаҳара.
Петербург иаадыртит Нарҭаа репос афырхаҵа хада имотив ала иҟаҵоу аскульптура
Санкт-Петербург аҿиара аҵакыра «Гранд Каньон» имҩаҧысит аскульптуратә композициа ҿыц аартра. Аусумҭа иахьӡуп «Ажәҩан иалоу аиеҵәақәа», уи авторс дамоуп еицырдыруа Петербургтәи аскульптор Константин Гарапач.
Аџьазтә композициа даҳнарбоит ахыци ахәымпали рыла ажәҩан аиеҵәа кыдызҧаар зҭаху аҷкәын қәыҧш. Ари аусумҭа шьаҭас дамоуп арашь Бзоу иақәтәоу Нарҭаа репос афырхаҵа хада Нарҭ Сасрыҟәа. Уи ахьҭа иакыз иашьцәа рзы аиеҵәа кыдҧааны рымҩа ирлашеит, згәы џьбараз адауцәа амца рцәиӷьычит, иашьцәа ирҧхеит.
Ари аҭоурых иаҳнарбоит ауаҩы дзызку. Ажәытә легенда аиҧш, «Ажәҩан иалоу аиеҵәақәа» иаҳгәаладыршәоит: амч хаҭеи аҟыбаҩи аҵакы нрымоу, ауаа ианрыхәо, аҧхареи, алашареи, агәыӷреи нрыцу ауп.
«Ҳара «Гранд Каньон» аҧаҳҵеит аҭаацәеи ахәыҷқәеи ирызкны, урҭ рыҿиара хықәкыс иҟаҵаны. Аскульптура ҿыц иаҭаауа ауаа иразҵаауеит – уара уҿиара ҵакыс иамоузеи, уҧсҭазаара ахықәкы зеиҧшроузеи? Аҭак акоуп – амчқәеи аҟыбаҩи ауаа ирыхәартә еиҧш рхархәара», ҳәа инаҵшьны иазгәеиҭеит «Гранд Каньон» аҧҵаҩы, аидгыла «Алашара» ахада, АААК иреиҳаӡоу ахеилак Ахантәаҩы Мусса Егзакь.
Константин Гарапач иажәақәа рыла, апроект идеианы иамоуп амифқәа сахьаркырала аиҭарыхәаҧшра. Урҭ аҳәамҭақәа рҿы аиеҵәақәа ауаҩы ихықәкқәеи иеихьӡарақәеи аллегориас ироуеит.
Аскульпута ҭыҧла ирнаалеит аҿиара аҵакыра «Гранд Каньон» аҟны игылоу егьырҭ аскульптуратә усумҭақәа «Ашықәс аамҭақәа», «Агәазҭаҵага». Урҭ еицаҧырҵоит ахәдурақәа: аинаалара, аҭынчра, аҧшӡара, ҧхьаҟатәи абиҧарақәа реиҷаҳара.
Асоциалтә проектҟаҵара ашьаҭақәа - анагӡара алкаақәеи апроект ҧхьаҟатәи аҧеиҧши
Адунеизегьтәи аҧсуа-абаза конгресси Ростовтәи атәылаҿацә Каменск-Шахтинск ақалақь аҟнытә иавтономтәу икоммерциатәым аиҿкаара «Асоциалтә ҧшьгамҭақәа руаажәларратә центри» 2025 шықәсазы ихдыркәшеит ашколхәыҷқәа асоциалтә проектҟаҵара ашьаҭақәа дырҵара иазкыз апроект ду. Аусура хыркәшауа, иаҭааит Тҟәарчал араион Уақәым ақыҭа.
Ашықәс иалагӡаны аиҿкааҩцәа Аҧсны ашколкәа ааба ирҭааит. Урҭ рыбжьара иҟоуп - Аӡҩбжьа, Мгәыӡырхәа, Ҧақәашь, Аацы, Шьашькәара, Уақәым, иара убасгьы Тҟәарчали Гали рыбжьаратә школқәа. Аҭыҵракәа рҳәаа иҭагӡаны имҩаҧыргон ҩымштәи аинтенсив.
Актәи амш шьақәгылан атеориатә блок ала - азыҟаҵаҩцәа рнапхнарала алахәҩцәа командала рыҽшаны рхатәы проектқәа еиқәдыршәон. Аҩбатәи амш аҽны аҵаҩцәа ицәырыргон иаздырхиаз апроектқәа. Ҷыдала иаҧҵоу акомиссиа еилацәажәаны иалырхуан иаҳа ихәарҭоу ҳәа иазырҧхьаӡаз апроект. Ҳазҭагылоу аамҭазы ирацәоуп инарыгӡахьоу апроектқәа.
Асоциалтә проектҟаҵара ашьаҭақәа ирызку апроект мҩаҧысуеит 2024 шықәса инаркны. 2025 шықәсазы ацхыраара ҟанаҵеит иавтономтәу икоммерциатәым аиҿкаара «Асоциалтә ҧшьгамҭақәа руаажәларратә центр». Уи алыршахеит УА Ахада ифонд агрантқәа рыла инарыгӡо апроект «Икоммерциатәым аиҿкаарақәа рызҳарҭа: Аҧсны» аҳәаақәа ирҭагӡаны.
Аҵаратә ҳасабтә адагьы, иӡбан даҽа зҵааракгьы: Шьашькәара, Аацы, Ҧақәашь, Уақәым ақыҭақәа рҿы ауаа рзы иманшәалоу атыҧқәа реиҿкаара. Уи абзоурала аҵаҩцәа рыпроекттә усура иацхрааит, насгьы ауаажәларратә ҭыҧ ҿыцқәа цәырҵит.
Аиҿкааҩцәа иргәиҭоуп ҳаҧыхьаҟа ари апроект ацҵара.
