Лента событий ВААК
Адиспансеризация тшауацIнахитI: Очамчыра аинтернат апны апхьагIвчва рзгIвадара архъвыхра йалгатI
Адуней апсуа-абаза конгресс апроект «АпхьагIвчва рдиспансеризация» апкъ йтата асквш 2024 агIан йгIванхауата йъацаз апны зджьара йапшымкIва нхара ду акIвдыршатI.
Москва йыншаз ачвгьахара ауысла Эгьзакь М.ХI. йажва
«Крокус Сити Холл» концертгIарбарта апны йыншаз упсы зрыхIауа атеррорист чвгьахара йгIалцIла ауи йаладзыз ауагIа ртгIачваква, Россия ауагIахъа зымгIва ргвакъвпра рыцагIвхIшитI. Зарар задзаз зымгIва ласыта рзгIвадара гIащаквдыргылхныс рзыхIтахъпI. Льажьа змамыз уагIа жвагIвпхьадзара – сабигьи рылата – раладзра, зарар задзаз ашвкIыгIвпхьадзара хIкъраль атурых апны дрыкъва цIолата йгIанхуштI.
Кьангьаш гьазгIазгуам ауи ацIыртыш уыс знапIыцIшаз щарда йнамиуата джьауап ддыркIыта рквнага йшанырцIуш.
Ари агвакъвпри аджьабари рыгIамта апсуа-абаза уагIахъа рхъвыцраквагьи рныхIвараквагьи льажьа змамкIва йырщыз ауагIа ртгIачваква, йжьыхьыду атеракт азарар зквшваз зымгIва йырзынархапI.
Терроризм – квпшырата йнанауахвлакIгьи – агIвычIвгIвара злащаквгылу агвбайараква тшпынхIвата йырзалитI. Ауи мажа гьадырам, принципкIгьи хвы гьаквнацIум. Ауи льажьа змам ауагIа йрайшварацитI, ажвлара зквгылу амамыр щата ацIахънатшитI.
Адуней жвлараква зымгIва атерроризм квпшырата йамазлакIгьи йапшIагылра, йалалта ари ачвгьахара ацIазцIазгьи йзырхъйазгьи рхIаквым шырхуш йазгылра рборчпI.
ЙхIвара атахъыпI атерроризм цIазкIуа, йацызкIуа, мгIва азтуа йамгIан къральызлакIьи, йамгIан адкIыларазлакIгьи хабза щатала йбзазауата рзырхIвушта, пIатIу рыквырцIушта йайгвгъарныс йшахвитым. Ари ашвыр чвгьахара змырджьауа акъральква йынкъвырцауа шмамырым, йшзахварам, йшгIвычIвгIвыс кърарым – алагIватIри аларыхъвашари шракIву – йхътIыта йгIадырбитI.
Абаргвыраква хIпахь йангIагылра хIара хIацзакIыра, хIгвчIагIвра, хвы азазыбари ачхIари ¬– арат абайараква багъьата рызгылра акIвпI айгIайра злагIатыгIгуш.
Гвылагьи псылагьи йшвыцджьабауа йгьи йшвыцу –
Адуней апсуа-абаза конгресс
ЙхIаракIу асовет аунашвачпагIв
Эгьзакь М.ХI.
