Лента событий ВААК
Гыцба Алиса ланкъвакъвра айгIайыгIвчва ргала-концерт акIвшатI Санкт-Петербург апны.
Санкт-Петербург, Екатерининск айззара Апещ ду апны апны Гыцба Алиса макъымршIыйарала лдуней анкъвакъвра айгIайыгIвчва ргала-концерт акIвшатI. Ауи йалаз йрыцыркIныс йгIайтI акъала йту апсуакви абазакви.
Адуней апсуа-абаза конгресс агвып АААК аунашвачпагIв Эгьзакь Мусса йыхьызла Гыцба Алиса ахIврапшдзаква лырттI, России Апсни культура нархарала рацынхара тшауацIнарыхра къару ду ъалалцIауа ахъазла йшылзыразугьи лархIвтI. Гыцба Алиса Россия апны гIатгара зму дартисткапI, Апсны ауагIа драртисткапI, Москва йаъу «Геликон-Опера» музыка театр дасолисткапI. Гыцба Алиса макъымршIыйарала лдуней анкъвакъвра асквш 2022 агIан Россия Федерация Апсны Республика ахъахвитра йацнакIищтара жвыхвсквша анцIуаз йгIаларгатI.
Анкъвакъвра асквш 2023 октябрь а 15 йгIашIарышвта а 26-дза Апсны апынгьи Россия апынгьи йакIвшатI, мартI а 10 Санкт-Петербург апны анкъвакъвра йалакваз ргала-концерт адыргалтI.
«Апсуара амгIващквала» абаркIыра: КIарамзиа Варлам йгIачважвара.
АгIатраква рабаркIыра «Апсуара амгIващквала» апкъ йтата ажурналист Бебиа Екатерина КIарамзиа Варлам дйачважвитI. Айчважвара асквш 2009 агIан йанырцIатI.