Лента событий ВААК
Агрба Харитон IBA адуней ачемпионра дазабакIуаштI
Абоксер Агрба Харитон «IBA ачемпионква рыцIх» анкъвакъвра апны Мексика йауу Боррего Хосе Мигель дйайгIайтI.
Швача апны йакIвшаз, жвараундкI йнайыз килограмм 67 зчакьуа айсчва рапшIагылра аналга асудьяква зымгIва йацшIакIта айгIайра хIспортсмен йырттI.
ЧквыныргIа рдуней фестиваль анхара джвыквылтI Швача афедерал шта «Сириус» апны
Агваргъьахъв гIахътIра мартI а 2 йаъазлуштI, ауаса йахьчIвагьи йапхъахуз айззараква акIвшахьатI. Афестиваль йалапI йапшым акъральква йгIартыцIыз апхъагылагIвчва шIата зкьы 20-гIв райхIа. Апсны йауата ауаъа йцатI 100-гIвы.
Афестиваль йалапI «Культура хъпшылра» программа. ХIара хIгвып афестиваль апны Апсны зхьырпшыру аделегацияква – Чувашии Байконури – йрынйатI. ЧкIвыныргIа ауагIахъа гIахIвыщаква абадырбатI, асогIаква амырдатI, аджв аджв дйайгвыргъьахтI, анашх бзи агIвыршатI.
Адуней апсуа-абаза конгресс афестиваль рыхIазырра йгьи йакIвыршарала АдгалагIв комитет йалапI. Айззара ду йалакву йрыуапI чкIвыныргIи физкультури тшауацIдрыхрала АААК ахъвшара аунашвахъцIагIв Берзениа Валерийи ашIыпIа хъвшараква рыцынхарала ахъвшара анхагIвы Симониа Херсони. Афестиваль йаланакIуа ауатыкв айчважвара апны доклад йчпуштI АААК архъйагIв секретарь, Апсны а-Парламент адепутат Гыцба Инар.
АААК апшыгIв шIа йгвала архъйатI
АшIыпIа хъвшараква рыцынхарала АААК ахъвшара Арасадзыхь 2-хауа аквтанай апхьарта апхьагIвчва Чанба С. йыхьыз зхъу Апсуа драмтеатр йарцатI. Ауи апхъала ацIайква «Аимадара» проект апкъ йтата СогIвым акультура-турых чвахъабагаква йырпшытI. Ауаъа йамдауата апхьагIвчва Апсуа драмтеатр йцарныс шыргвалу ахъвшара анхагIвчва йрархIвтI. Йаргьи абар – асабиква йатаркIвах акъала хъада йаъапI, ауат рылаква атагъьазгъьазхитI. АпхьагIвчвагьи арыпхьагIвчвагьи шалаз 25-гIв йнадзауата апсуа литература ащатащтIацIагIв Гулиа ДырмытI йысквш 150 йаквшвауата йгIадырбуз аргылчIв «Йари лари» йапшытI. Аспектакль йалан Апсны ауагIа рартистква Маан Виолетти Хагба Кесоуи. Арежиссер ареспублика апны гIатгара зму артистка Аргвын Мадина лакIвпI. АргылчIв йащатахатI Гулиа йгIвыра «АчкIвыни апхIвыспи рсальамшвъаква».
АцIайква рпсып акIыхын асцена апны йыншуз йапшуан, актерква дута напIы йырзасуан, афырква закI рчпапхьадза дара рлахIвараква тшгIапхьыржвун. Аспектакль аналгагьи апшыгIвчва шIаква йырбаз амагIны ауырата йалачважватI. Ари ахваша ахъвлапын ауат щарда ргвква йыртазлуштI.
