Лента событий ВААК
Апсуа-абаза уагIахъа йгIарылцIыз йбергьльу агIвычIвгIвысква йырхIвата «пхьынцIыгIва гIазшIалыз» ажваква.
«Ирӡтәым» проект: АААК апсуа макъым ъамапсымаква йырзынарху лекция акIвнаршатI
Ари азын лекция ъакIвшаз СогIвым акъральыгIва лицей-интернат апны акIвпI. Апсуаква руагIахъа макъым ъамапсымакви руагIахъа ашвакви штшауацIырхуаз атурых ауагIахъа ртурых йахъвыкIпI. Аъамапсымаква йгIанзыршаз ауагIахъа рыхъаз щарда гIауархIвуаштI. Ауи акIвпI анйара апны йызлачважвазгьи.
Айчважвара акIвдыршатI йгIадрайгваз асасчва – «Гвында» вокал-ъамапсыма ансамбль йрылу Алтейба Саиди йара ауи агвыпгьи Хвынцариа Отар йыхьыз зхъу ауагIахъа ъамапсымаква ркъральыгIва оркестргьи йрылу, СогIвым йтагылу культура акъральыгIва училища арыпхьагIв йгьи адирижер Кисекова Софии.
АпхьагIвчва апхьарца, ачырпын, ачамгвыр, акIьапкIьап ахымаа ддырбатI, ауи акIвымкIвагьи агIвмаа, адауыл йгIарыквчважватI. АцIайква аъамапсымаква шгIаншаз атурых йаздзыргIвра йахъазымкIва ауат йрыснысгьи лшара раутI.
Алекция аналга ансамбль йалакву аздзыргIвчвагьи рыцта апсуа уагIа рашваквакI рхIватI.
