Лента событий ВААК
Апсны йауу афутболасчва шIаква «Гранд Каньон» тшауацIыхра шта йаъан
«Зенит» футбол клуб Апсны апны йгIаныршу ахъвшара абжьаматаква Санкт-Петербург апны «Гранд Каньон» тшауацIыхра шта йцатI. Ауаъа ауат пхата йгIарпылтI, программа джьащахъвагьи рыздрыхIазыртI. АчкIвынчва Санкт-Петербург апны рахIа йпхатшу аркъан парк «АтыдзхIагIаква рыкъала» йталтI, «Аджьащахъвараква рмузейгьи» «Бестиарийгьи» йнашылтI.
МартI а 8 йгIашIарышвта а 11-дза Санкт-Петербург апны «Зенит» футбол клуб ахъвшараква ранкъвакъвра акIвшатI. Ауи йалан Апсны йауу асквш 2015 агIан ййыз афутболасчва шIаквагьи. Ауат быжьны йхъвмарын хын йайгIайтI. ЗымгIвагьи рымч йшгIанагуаз йхъвмартI, швапха бзигьи дырхIатI. Ужвы ауат ргIващагIараква йрыдынхалта айгIайра шIыцква йырзычIвырхъуштI.
Асквш 2021 агIан «Зенит» футбол клуб академия» зхьзу Санкт-Петербург чкIвыныргIа ролимп спорт апхьарта ахъвшара Апсны апны йгIахъыртIытI. Адуней апсуа-абаза конгрессгьи АААК ЙхIаракIу асовет аунашвачпагIв Эгьзакь Мусса йхъаталагьи ауи апхьарта ахъвшара ареспублика апны йгIахъыртIра ахIатырла «Зенити» Апсни рунашвачпагIвчва абадырдыруата уыс ду рхатI.
