Адунеизегьтәи аҧсуа-абаза конгресс иацнаҵоит апроект «Гәыкала» - еиуеиҧшым аусхкқәеи азанааҭқәеи знапы алаку ауаа рыҿцәажәарақәа рыла ишьақәыргылоу аинтервиуқәа рсериа.  Агәабзиара - аҧсҭазаараҿы зегьы реиҳа ихадоуп. Ауаа ирылаҽны иҟоу аневрологиатә чымачазақәеи, «иҷыдоу» ахәыҷқәа рсоциализациеи , адиспансеризациа иазку апроект аҽалархәреи рзы ҳлыҿцәажәеит аневролог, УЗИ ахархәарала агәаҭара аҳақьым Альбина Хәаџьааҧҳа.