10694
Ииасуа ашықәс акыр ишыхьанҭазгьы, Аԥсны ақалақьқәа зегьы рҟны ашҭа хадақәа аныҳәазы ирҩычеит, ауааԥсыра ргәы иахәарц, хәыҷи-дуи агәалаҟара бзиа рымазарц.
Ахҳәаа ыҟам
30.12.2021 00:50
Аныҳәазы зыҽзырԥшӡаз ақалақьқәеи аԥсаҵлақәеи: зқьы ԥшшәыхкыла ирлашоу
Гәдоуҭатәи аԥсаҵла хада акыршықәса инеиԥынкыланы, ҳтәыла ауааԥсыра аӡәырҩы ргәаанагарала, зегь реиҳа иԥшӡоу ҳәа ахьӡ ахылоит. Сынтәагьы аԥсаҵла адизаин згәаԥхаз рацәаҩхеит.
© АААК / Наала Аҩӡԥҳа
Аныҳәа аламҭалазтәи ақәгыларақәа ирыхәаԥшырц ауаа рацәа еизоит, аиҳараҩык ҭаацәала иааиуеит.
© АААК / Наала Аҩӡԥҳа
Афон ҿыц агәҭа игылоу аԥсаҵлагьы ахәыҷқәеи адуцәеи адеизалеит.
© АААК / Наала Аҩӡԥҳа
Даҽа ҵлак дыргылеит Афон ҿыц амшын аԥшаҳәаҿгьы, аромантикатә гәалаҟара змоу атуристцәеи аҭыԥантәи ауааԥсыреи хәылбыҽхала уи азааигәара иԥшахьырсуеит.
© АААК / Наала Аҩӡԥҳа
Афон ҿыц апальма ԥшӡақәа аныҳәа аламҭалаз убла хыркуеит.
© АААК / Наала Аҩӡԥҳа
Аҟәатәи аԥсаҵла лаша-лашо ақалақь ауааԥсыреи асасцәеи ргәы ҟанаҵоит, аныҳәақәа разгәаҭара зҟазшьамгьы уи иназхьамԥшыр залшом.
© АААК / Наала Аҩӡԥҳа
Аԥсаҵла акәша-мыкәша зегьы лакәҵас иџьуџьуеит, алахҿыхреи агәырӷьареи ирҭыԥуп араҟа.
© АААК / Наала Аҩӡԥҳа
Ахәыҷқәа рызхара аԥсаҵла иакәшаны ианыҩлак, иааҭгыланы уи алашарақәа рыԥшшәеиҭакшьа иахәаԥшуеит.
© АААК / Наала Аҩӡԥҳа
Еиҳа ихбыџқәоу иаарыкәыршаны ирбо аԥшӡара ҷыдала ргәы ианыруеит, аныҳәатә гәалаҟара рнаҭоит.
© АААК / Наала Аҩӡԥҳа
Ашҭа зегьы зқьы ԥшшәыхкыла илаша-лашоит.
© АААК / Наала Аҩӡԥҳа
Иҿыцу 2022-тәи ашықәс ахь зшьаҿа еихызго доусы игәы ак ҭеикуеит, аԥсҭазаара аиӷьхара, абзиарақәа дырзыԥшуп. Иманшәалахааит зегьы шәзы ари ашықәс ҿыц! Ҽаанбзиала шәнеиааит!
© АААК / Наала Аҩӡԥҳа
шәҭалароуп, ма шәыҽҭажәыҩроуп.