Адунеизегьтәи аԥсуа-абаза конгресс (АААК) Абыжьбатәи аизара ду аҩбатәи аилатәара аатит Аҟәа, хәажәкыра 22 рзы. Аилатәараҟны афорум аделегатцәа ишьақәдырӷәӷәеит Аконгресс Аԥҟаԥҵәа ҿыц, иагьышьақәдыргылеит Иреиҳаӡоу Ахеилак.
Хәажәкыра 22 рзы Аҟәа имҩаԥысыз Адунеизегьтәи аԥсуа-абаза конгресс Абыжьбатәи аизара ду ԥхынҷкәынмзазы иҟаз аиԥыларақәа ирыцнаҵеит. Аделегатцәа алацәажәаны ирыдыркылеит ҿыц аредакциа зызуыз АААК Аԥҟаԥҵәа.
Аԥсны азакәанԥҵара иашьашәаланы еиқәыршәаз ари адокумент, АААК Иреиҳаӡоу Ахеилак ахантәаҩы Мусса Егзакь иажәақәа рыла, аус адырулон иреиӷьу азиндырыҩцәа. Афорум амшхәаԥштә аҟны иқәгылан Аконгресс Иреиҳаӡоу Ахеилак ашьақәыргылара азҵаарагьы. Уи иалахәхеит Аԥсны, Ҟарачы-Черқьесиа, Ҟабарда Балкариа, Урыстәыла арегионқәа уҳәа рҟынтә аԥсуа-абаза милаҭ рхаҭарнакцәа, иара убас Ҭырқәтәылатәи Иорданиатәи ҳашьцәа.
шәҭалароуп, ма шәыҽҭажәыҩроуп.