41464
Ԥхынгәы 23 рзы Аԥсны иазгәарҭеит Аҳәынҭқарратә бираҟ амш, есышықәса ари аныҳәа мҽхакыҭбаала иаԥылоит аԥсуа-абаза жәлар рхаҭарнакцәа ахьынхо адунеи атәылақәа рҿы.
Амениу
2 Ԥхынгәы 2026
01:22
24.07.2020 17:15
Амилаҭ кәашарақәеи, ашәақәеи, ажәлар рныҟәареи: Аԥсны иазгәарҭеит Абираҟ амш
Абираҟ амш иазкыз аныҳәатә усмҩаԥгатәқәа ирылагеит Аҟәа амото-, маланыҟәатә еиԥхныҩлара, аилазаарақәа «Мото Абхазия», Ridebike Apsny еиҿыркааз.
© АААК / Наала Аҩӡԥҳа
Аиԥхныҩлара рхы аладырхәыр рылшон изҭаху зегьы.
© АААК / Наала Аҩӡԥҳа
Аныҳәатә маланыҟәатә еиԥхныҩлара иалахәын аиҳабыратә абиԥара рхаҭарнакцәагьы.
© АААК / Наала Аҩӡԥҳа
Амаланыҟәақәеи амотоциклқәеи харантәилагьы иубон, избанзар дара аԥсуа бираҟқәа рхагылан.
© АААК / Наала Аҩӡԥҳа
Агәаҳәара змаз зегьы абаикерцәа ирыдгыланы рсахьа ҭырхырц рылшон. Ус ҟазҵазгьы рацәаҩуп.
© АААК / Наала Аҩӡԥҳа
Аныҳәа иаҭааз аӡәырҩы – хәыҷгьы-дугьы – милаҭ маҭәала еилаҳәан. Иҟан ҷыдала Абираҟ амш иазкны зышәҵатәы зӡахқәаз.
© АААК / Наала Аҩӡԥҳа
Абас ԥсыуа маҭәала иԥшӡаны еилаҳәаз ауаа ирывагыланы рпатреҭқәа ҭырхуан аныҳәа аҭааҩцәа.
© АААК / Наала Аҩӡԥҳа
Аныҳәа иалахәыз зегьы ирзеиҿкаан ацәыргақәҵа. Експонатқәас иқәгылеит еиуеиԥшым аҭоурыхтә аамҭақәа рзы иныҟәаҳгоз Аԥсынтәыла абираҟқәа.
© АААК / Наала Аҩӡԥҳа
Аныҳәаҿы хҭыс хадас иҟалеит ари амш иасимвол хадоу – аԥсуа бираҟ кны Аԥсны жәлар рартист Арвелод Ҭарба заԥхьа дгылаз ажәлар рныҟәара.
© АААК / Наала Аҩӡԥҳа
Анаҩс инеиуан афакел-мцақәа зкыз, милаҭ маҭәала еилаҳәаз арԥарацәа.
© АААК / Наала Аҩӡԥҳа
Аныҟәара иацлар рылшон изҭахыз зегьы.
© АААК / Наала Аҩӡԥҳа
Аԥшаҳәа иқәсуаз ирылан убасгьы акәашаратә коллективқәа.
© АААК / Наала Аҩӡԥҳа
Ари аныҳәамш азы шьҭа итрадициахеит зышәагаа 10х20 метра иҟоу аԥсуа бираҟ дуӡӡа кны Амҳаџьырқәа рыԥшаҳәа ақәсра.
© АААК / Наала Аҩӡԥҳа
Абираҟ зкыз иреиуан ахәыҷқәагьы адуцәагьы.
© АААК / Наала Аҩӡԥҳа
Аныҟәара аамышьҭахь имҩаԥысит аԥсуа милаҭтә ашәақәеи акәашарақәеи рконцерт.
© АААК / Наала Аҩӡԥҳа
Аконцерт ахәаԥшразы еизаз ауаа рхыԥхьаӡара акыр ирацәан.
© АААК / Наала Аҩӡԥҳа
Аныҳәатә программа анхыркәшаха ашьҭахьгьы ауаа акыраамҭа еимпуамызт: ԥсыуала икәашон, ишәаҳәон, еицәажәон.
© АААК / Наала Аҩӡԥҳа
Ахәылԥаз акульминациас иҟалеит амилаҭтә кәашара «Аурашьа», уи иалахәын акәашара згәы аҳәоз зегьы.
© АААК / Наала Аҩӡԥҳа