Ажурналист Екатерина Бебиа лтеледырраҭара «Аҧсуара амҩахәасҭақәа» рцикл аҿы дрыҿцәажәоит Азареҭ Аибеи Игор Ҵнариеи.
Ажурналист Екатерина Бебиа лавтортә программа «Аҧсуара амҩахәасҭақәа» ари адыррҭараҿ дзыҿцәажәо ауаажәларратә усзуҩ Азареҭ Аибеи аҵарауаҩ Игор Ҵнариеи аҧсуара аныҟәгара иалацәажәо ҷыдала иазааҭгылоит аҧсуа ҭыҧҳа лҭеиҭҧши лыхныҟәгашьеи.
«Аҧсуа ҧҳәызба лҽеилаҳәашьаҿ сара еиҳа пату ақәысҵоит, анкьа ишыҟаз еиҧш, аиқәа лышьаҵаны аҧсрахьы дымнеирц. Лхымҩаҧгашьаҿгьы исҭахуп ауаҩра аалырҧшуазарц, аламыс хымҩаҧгашьа лыцзаарц», – ҳәа иҳәоит Азареҭ Аиба.
«Лҭаацәара рҟны илбозароуп аҧсуара иақәнаго аҽеилаҳәашьа, ахымҩаҧгашьа. Урҭ лбызшәа иацны лцәа-лжьы иалалароуп. Аҧҳәызба лзы ҿырҧштәыс иҟаз ан лакәын, аҧа изы – аб…», – ҳәа иҳәоит аҵарауаҩ Игор Ҵнариа
шәҭалароуп, ма шәыҽҭажәыҩроуп.