1679

Аԥсуа шәаҳәаҩы, асахьаҭыхҩы, амультипликатор Асҭамыр Кәыҵниа 2020 шықәсазы иаԥиҵаз амультфильм «Абраскьыл ифырхаҵарақәа» аԥсшәаҟынтә англыз бызшәахьы еиҭагоуп Адунеизегьтәи аԥсуа-абаза конгресс аинфопортал аинформациатә портал амчала.

Амультфильм «Абраскьыл ифырхаҵара» апремиера мҩаԥысит 2020 шықәса нанҳәа 27 рзы Аҟәа, Ражьден Гәымба ихьӡ зху Аԥсуа ҳәынҭқарратә филармониаҿы. Ари аҭоурых афырхаҵа хада Абраскьыл – зегь ириааиуа хаҵа ӷәӷәоуп, дагьԥагьоуп. Иара атәым қәылаҩцәа рҟынтә ижәлар ихьчарц диит, ачҳареи амч дуӡӡеи злаз фырхаҵаны изҳаит. Иибжьаз иҽы Арашь дақәтәаны убри иус ԥшьа анагӡара далагеит. Алегенда ишаҳәо ала, аамҭа цацыԥхьаӡа аӷацәа ирҿагылаз Абраскьыл Анцәагьы датәеимбо дҟалеит, уи дагьахьдырхәит аҵыхәтәан. Афырхаҵа иҽи иареи ҭыҵшьа рымамкәа аҳаԥы иҭаҿарҳәеит.