30867
АААК анфопортал иазнархиаз афотолентаҟны шьаҿа-шьаҿала иаарԥшуп ашьамаҟа шыҟарҵо.
АБРИ АХҬЫС ИАЗКУ АВИДЕО АХӘАПШРА>>
АБРИ АТӘЫ ЕИҲА ИНАРҬБААНЫ >>
Ахҳәаа ыҟам
04.06.2021 13:35
Ашьамаҟа аҟаҵашьа: акәамаҵамақәа
Еицырдыруа аԥсуа сахьаҭыхҩы Баҭал Џьапуа, Аконгресс иҟанаҵаз аҳәарала, Кавказтәи аибашьра иалаӡыз ргәалашәара амш иазкны агәаларшәагатә цәашьы – Ашьамаҟа еибиҭарц иҽазикит.
© АААК / Наала Аҩӡԥҳа
Баҭал Џьапуа еиҭеиҳәеит, ажәытәан ашьамаҟа шыҟарҵоз аԥҟарақәа дышрықәныҟәоз, убри аҟнытә аханатәтәи аҟаҵашьа апроцессгьы рацәак аҽеиҭанамкӡеит.
© АААК / Наала Аҩӡԥҳа
Ацәашьы агәыцәс Џьапуа ихы иаирхәеит ҳаамҭазтәи амедицинатә бинтқәа (ацахақәа). Ажәытәан уи азы абамба аадрыхуан.
© АААК / Наала Аҩӡԥҳа
Иауны, ипаны иазырхиоу ацахақәа ирӡыҭу ацәа иӡаашьтәуп. Знык аӡаашьра азхаӡом, ацәашьы ашәпара еиҟарахарц, иԥшӡахарц азы даҽа знык иӡаашьтәуп.
© АААК / Наала Аҩӡԥҳа
Амҿы иалху ашьамаҟа агәыцә иакәдыршоит ацәашьқәа. Зны-зынла ашьамаҟа агәыцә акартон иалырхуеит, усҟан ацәашьқәеи иареи еицыбылуеит.
© АААК / Наала Аҩӡԥҳа
Ацәашьқәа рхыԥхьаӡара ашьамаҟа ашәпара зеиԥшроу еиԥш ауп. Ашәпара дузар, ацәашьқәагьы еиҳаны иаҭаххоит.
© АААК / Наала Аҩӡԥҳа
Ашьамаҟа аԥашьа ԥшӡахарц азы, агәыцә адиаметр ԥшь-хәҭакны еихшатәуп, нас убрантә аҩадахьала арӷызқәа алдатәуп.
© АААК / Наала Аҩӡԥҳа
Ашьамака ашьапы хазы иҟарҵон, уи ахацәа ракәын знапы ианыз. Ацәашьқәа разырхиареи аԥареи ракәзар, аҳәсақәа ракәын изуалԥшьаз, «аԥҳәыс цқьа» ҳәа ззырҳәоз лнапала иҟалҵон еиҳараӡак.
© АААК / Наала Аҩӡԥҳа
Уажәшьҭа ҩышықәсоуп Адунеизегьтәи аԥсуа-абаза конгресс Кавказтәи аибашьра иалаӡыз ргәалашәара амш аҽны Ашьамаҟа абылра атрадициа еиҭахацнаркиижьҭеи.
© АААК / Наала Аҩӡԥҳа
шәҭалароуп, ма шәыҽҭажәыҩроуп.