Ажурналист Екатерина Бебиа лавтортә программа «Аҧсуара амҩахәасҭақәа» астудиа даҭоуп Гагратәи араионтә газеҭ редактор хадас иҟаз, аҧсуа милаҭтә хақәиҭра қәԥара иалагылаз, ажурналист, ауаажәларратә усзуҩ Закан Агрба. Аиҿцәажәараҿ дазааҭгылоит аҧсуара аныҟәгаразы иаҭаху, аҧсуара заку, уи аиқәырхаразы иҟаҵатәу. Анҵамҭа ҟаҵан Аҟәа 2009 шықәсазы Аҧсуа ҳәынҭарратә телехәаҧшра астудиаҿы.

 «Аҧсуара – аҵасқәа реиламгара ауп изызку. «Уара уаҧсуаӡами?» ҳәа ауаҩы даауқәыӷәӷәан ианиҳәалак ҧхашьара дууп, алаба иаахазшәа иҧхьаӡоуп. Аҧсуара ҿырҳәала иузҵаӡом, аҧсуара ныҟәызго аҧсуа иоуп, аҭаацәара аҟынтәи ауп ахыҵхырҭа ахьыҟоу…» - иҳәеит Закан Агрба.