АААК аинформациатә портал еиднакылеит зегь реиҳа иԥшӡоу Аԥснытәи ааԥын афотосахьақәа.

Аԥсны аԥсабара злабеиоу ала, ашықәс аамҭақәа зегьы дара ртәала ихазыноуп, рхатә цәаҩеи, рхатә ҟазшьақәеи рымоуп: ихьыԥшшәылоу ҭагалан, илаша-лашо аԥхын, аҽынкылара зцу аӡын, нас зыԥшӡара уагәылазхало ааԥын. Ааԥынтәи ашәаԥыџьаԥ аԥшӡара акы иузадкылом, аԥсабара зегьы шәҭуеит, афҩы лаҳалаҳауеит. Уахьынаԥшлак – блахкыгароуп. Ааԥын аԥсҭазаара ҿыц иасимволуп, агәыӷра ҿыцқәа ҳзаанагоит, агәахәтәыхьӡара ҳахьнарԥшуеит. АААК афотолентаҿы шәрыхәаԥш аԥснытәи ааԥын асахьақәа.