40106
АААК Арепатриациазы Аԥсны аҳәынҭқарратә еилаки XIX-тәи ашәышықәсазы Кавказтәи аибашьра иалаӡыз ргәалашәаратә усмҩаԥгатәқәа еиҿыркааит Аԥсны аҳҭнықалақь аҟны.
Амениу
13 Ԥхынгәы 2026
09:03
22.05.2021 12:05
Ҳдоуҳа хымжәеит: Кавказтәи аибашьра иалаӡыз ргәаларшәара
Маи 21 рзы агәаларшәаратә усмҩаԥгатәқәа ирылагеит Аԥсуа драматә театр аҟны. Араҟа Аҿар ртеатр иқәнаргылеит еицырдыруа Баграт Шьынқәа иҭоурыхтә роман «Ацынҵәарах» иалху аспектакль. Ари аҩымҭа ду аубых жәлар рытрагедиа иазкуп, адунеи ихадароу алитературатә бызшәақәа рахь еиҭаргахьеит.
© АААК / Наала Аҩӡԥҳа
Амҳаџьырқәа рбаҟа азааигәара ари аҽны афотоцәыргақәҵа еиҿкаан. Аекспозициа шьақәгылан арҭ ахҭысқәа зылала избаз ирҭыхымҭоу архивтә фотоқәеи, уи аҭоурыхтә аамҭа иахаану рсахьақәеи рыла.
© АААК / Наала Аҩӡԥҳа
хәылбыҽха Аҟәатәи аԥшаҳәаҿы ауаа еизо иалагеит. Сергеи Багаԥшь ихьӡ зху ашҭаҿы рҽеидкыланы Амҳаџьырқәа рбаҟаҿынӡа шьапыла ицеит.
© АААК / Наала Аҩӡԥҳа
Аколонна аԥхьа игылеит аҽцәа, анаҩс амцақәа зкыз аҷкәынцәа, дара зегьы милаҭ маҭәала еилаҳәан.
© АААК / Наала Аҩӡԥҳа
Адунеизегьтәи аԥсуа-абаза конгресс аусзуҩцәа абаҟа амҵан ашәҭқәа шьҭарҵеит.
© АААК / Наала Аҩӡԥҳа
Аусмҩаԥгатәқәа ирылахәын аҿарацәа рацәаҩны, аӡәырҩы аԥсуа, адыга бираҟқәа ркын.
© АААК / Наала Аҩӡԥҳа
Афакел кны инеиуаз аҷкәынцәа аколонна аԥхьа игылан.
© АААК / Наала Аҩӡԥҳа
Ашәҭшьҭаҵара ацеремониа иалахәын Аԥсны еиуеиԥшым араионқәа рҟынтә ашколхәыҷқәа.
© АААК / Наала Аҩӡԥҳа
Ашәҭшьҭаҵара ашьҭахь ахәыҷқәа ажәеинраалақәа ирыԥхьеит.
© АААК / Наала Аҩӡԥҳа
Ҭырқәтәылантә зҭоурыхтә ԥсадгьыл ахь ихынҳәыз Кадыр Тәанба Ашьамаҟа аиркит, уи аҿы ацхыраара ирҭеит иҩызцәагьы.
© АААК / Наала Аҩӡԥҳа
Афото аҟны: Ҭырқәтәылантә зҭоурыхтә ԥсадгьыл ахь нхара иааз Ҳаири Қәҭарба. Ҵыԥх иара иоуп Ашьамаҟа зыблыз. Сынтәа еизаз рҿаԥхьа дықәгыланы дцәажәеит, агәалашәара аҵак ду шамоу иҳәеит.
© АААК / Наала Аҩӡԥҳа
Еицырдыруа аԥсуа естрадатә шәаҳәаҩы, агәыԥ «Аԥсны-67» асолистка Лиудмила Гәынԥҳа игәыҭшьаагоу ашәа «Шьышь-нани» налыгӡеит – ари ашәа Баграт Шьынқәба иажәеинраала иалхуп, ҿырҳәала иззымдыруа дмаҷуп, амҳаџьырқәа зықәшәаз ахлымӡаах угәаҵанӡа инеиртә иаанарԥшуеит..
© АААК / Наала Аҩӡԥҳа
Ахәылԥаз ахыркәшамҭаз изҭахыз зегьы Нарҭаа рымца аиқәҵара рҽаладырхәыр ҟалон (Нарҭаа репос аҟны зыӡбахә ҳәоу амца ду – аред.).
© АААК / Наала Аҩӡԥҳа
Амцеиқәҵара ашьҭахь ашәҭқәа амшын ихырҵеит, иара убри алагьы агәаларшәаратә усмҩаԥгатәқәа хыркәшахеит.
© АААК / Наала Аҩӡԥҳа