Зули Ерыжәԥҳа
16.11.2018 10:15 Ахаҭарақәа 14353
Зули Ерыжәԥҳа: амырзакан зшьа-зда, згәы-зыԥсы иалаз
Абиԥарацыԥхьаӡа ахатә музикантцәа арҳауеит. Иахьатәи абаза ҿар рыбжьара иҟоуп виртуозла амырзакан азырҳәо – ашәуаа зегь реиҳа бзиа ирбо амилаҭтә музикатә арҳәагоуп иара. Аха аспециалистцәеи амырзакан арҳәаҩцәеи еицҿакны ирҳәо акоуп – иахьа уажәраанӡа ари ахырхарҭаҟны Зули Ерыжәԥҳа илеиӷьу уаҩ дшыҟам, убри аҟара абаҩхатәра ду лылан, аӡәы еиԥшымкәа амырзакан алырҳәон.