28933
АААК апресс-центр аҟны еиҭаҳәан Аконгресс аделегациа Мраҭашәаратәи Европа раҭаара лҵшәақәас иаанашьҭыз, иара убасгьы иҳаҩсуа ашықәс азтәи аусура аихшьалақәа ҟаҵан.
АААК аделегациа Европа атәылақәа маҵураныҟәарала раҭаара алҵшәақәа ртәы еиҭарҳәеит, 2019-шықәсазтәи аусура аихшьалақәагьы ҟарҵеит ашәахьа, ԥхынҷкәын 23 рзы имҩаԥысыз апресс-конференциаҿы.
Апресс-конференциа иалахәын Адунеизегьтәи аԥсуа-абаза конгресс Иреиҳаӡоу ахеилак алахәыла Виачеслав Чрыгба, АААК ауснагӡаратә маӡаныҟәгаҩ Инар Гыцба, Аконгресс Аинформациатә портал анапхгаҩы Амина Лазԥҳа. Аконференциа скаип ала иҽалаирхәит иара убас АААК Иреиҳаӡоу ахеилак ахантәаҩы Мусса Егзакь.