Хьыбла Гьерзмаа иналыгӡаз ашәа "Исхароузеи" (ажәақәа: Кьыршьал Чачхалиа, амузыка: Руслан Агәмаа) ала иацҵахеит есышықәсатәи аԥсуа культура афестиваль "Аԥсны", сынтәа иара онлаин аформат ала имҩаԥысуеит. 

Уаанӡа афестиваль аҳәаақәа ирҭагӡаны идырбан апроект "Амазара" раԥхьатәи авидео - амилаҭ кәашара иазку.

АПРОЕКТ "АМАЗАРА" ИАЗКУ АИНФОРМАЦИА ЗЕГЬЫ ШӘОУР ҞАЛОИТ АБРА>>

Аԥсуа культура афестиваль 2018, 2019 шықәсақәа рзы Москва иаарту адәаҿы имҩаԥысуан. Раԥхьатәи афестиваль "Аԥсны" мҩаԥысит 2018 шықәса цәыббра 30 рзы, Аԥсны Аиааиреи Ахьыԥшымреи рымш 25 шықәса ахыҵра иазкны.
Аҩынтә раан аԥсуа культура афестиваль мҩаԥысит 2019 шықәса рашәара 30 рзы, Москва апарк "Краснаиа пресниа" аҟны.