Лента событий ВААК
Вернуться к ленте
11.05.2023 19:51
Гәдоуҭа, Аԥсны Аҳәынҭқарра
АААК ауаҩы раԥхьатәи ацхыраара иҭаразы атренинг мҩаԥнагеит Џьырхәа ақыҭан.
Адунеизегьтәи аԥсуа-абаза конгресс ауаҩы раԥхьатәи ацхыраара иҭаразы атренинг ҿыц мҩаԥнагеит, уажәазы Џьырхәа ақыҭан.
Ааԥхьара змаз Аҭагылазаашьа ҷыдақәа рзы аминистрра аспециалист Индира Амҷԥҳа ашколхәыҷқәа ирзеиҭалҳәеит ауаҩы иԥсы маҷхазар, абаҩԥҵәа илазар, амра ихы иасзар, дшьабозар уҳәа раԥхьатәи ацхыраара шиҭатәу.
Уи адагьы, Аконгресс аусзуҩцәа ашкол иарҭеит аҳақьым даиаанӡа ауаҩы узлаицхрааша ахәшәқәеи амаҭәахәқәеи еидкыланы, ацхыраара ласы аҭашьа зну абӷьыци.
Апроект хацыркын 2022 шықәса, ҭагалан азы. Атренингқәа мҩаԥысуеит Адунеизегьтәи аԥсуа-абаза конгресс Иреиҳаӡоу ахеилак ахантәаҩы Мусса Егзакь ифинанстә цхыраарала.
0
Ахҳәаа ыҟам