Адунеизегьтәи
аԥсуа-абаза
конгресс

Гал имҩаԥысит апроект "Аҿар рыбжьы" ахыркәшаратә еиԥылара. Ари апроект мҩаԥыргон Адунеизегьтәи аԥсуа-абаза конгресси ашәаԥҵаҩ Абзагә Марыхәбеи еилахәны.

Галтәи аиԥылара рхы аладырхәит Д. В. Мураҭиа ихьӡ зху абжьаратә школ аҵаҩцәа жәаҩык. Аҵаҩцәа ирыҿцәажәеит, рԥышәагьы рымардеит аестрадатә шәаҳәаҩы Артиом Качараа, иара убас амузыктә шоу "Apsny-Star” алахәыла Иракли Џьумуҭиа.

"Ахар рыбжьы" - Аконгресс иаԥшьнагаз агәаҭаратә проектуп, хықәкыс иамоуп Аԥсны абаҩхатәра злоу аҿарацәа раарԥшра. Ихацыркын жәабранмзазы. Раԥхьатәи аиқәшәара мҩаԥган Гәдоуҭа.