Адунеизегьтәи
аԥсуа-абаза
конгресс

Адунеизегьтәи аԥсуа-абаза конгресс Ахәыҷқә рыхьчара жәларбжьаратәи амш азы аныҳәа еиҿнакааит Аҟәа, Аҳабла ҿыц аҟны. Ахәыҷқәа арлахҿыхратә шоу-программа дырбан афитнеси акәашареи рыстудиа «Mansarda fit art», аниматорцәа, агримҟаҵаҩцәа алархәны. Аныҳәа ахыркәшамҭаз ахәыҷқәа ахаа-мыхаақәа рзыршеит.
Аконгресс аусзуҩцәа иҭабуп ҳәа раҳҳәоит аныҳәатә усмҩаԥгатә аиҿкаараҿы иҳацхрааз ахәыҷтәы дәқьан «Kid's Republic» аԥшәма Денис Ҭарба, Аԥсны Жәлар Реизара адепутатцәа Инар Саӡбеи Вахтанг Гәаланӡиеи.