Лента событий ВААК
Арҿиара знапы алаку аҿар Реидгыла «Апсны» Санкт-Петербург иаанартуеит ашәқәа
Гәырӷьарыла шәдырра аҟынӡа инаҳгоит, Адунеизегьтәи аҧсуа-абаза конгресс ацхыраарала Санкт-Петербург аусура ишалагаз арҿиара знапы алаку аҿар Реидгыла «Апсны» афольклортә гәыҧ. Ари аҧшьгара абзоурала астудентцәеи агәахәара змоу ауааҧсыреи ироуит алшара жәлар рҟазареи ркультуреи рыҭҵааразы.
Аҽазыҟаҵарақәа мҩаҧысуеит АААК Аппарат анапхгаҩы Абзагә Ҵәыџьба инапхгарала. Уи аҿар ирымеидеит жәлар рҟазараҿы имоу аҧышәеи адыррақәеи. Агәыҧ алахәцәа иддырҵоит ашәаҳәашьа, иҭырҵаауеит афольклор, рнапаҿы иааргоит амузыкатә рҳәагақәа. Амузыкатә дыррақәа рырҿиара анаҩсангьы, жәлар рҟазара ауаҩы илнаршоит аҧсуа культуреи аҵасқәеи иаҳа инарҵаланы реилкаара. Аҽазыҟаҵарақәа мҩаҧысуеит ессабша, асааҭ 16:00 инадыркны 18:00 рҟынӡа, ахәҳахәҭра-рлахҿыхратә комплекс «Гранд-Каньон» аҟны.
Агәахәара змоу зегьы ааҧхьара шәаҳҭоит Аидгыла афольклортә гәыҧ шәалахәны, аинтерес зҵоу апроект лахҿых шәахәҭакхаразы.