Лента событий ВААК
Вернуться к ленте
11.07.2022 19:40
Гәдоуҭа, Аԥсны Аҳәынҭқарра
Ҷлоу ақыҭа школ аҵаҩцәа ахәыҷтәы аҵара-ааӡаратә проект "Ашьҭра" иалахәхеит
АААКи ауаажәларратә еиҿкаара "АМЧи" еилахәны Ҷлоу ақыҭа ашколхәыҷқәа рзы адыррарҳагатә ныҟәара еиҿыркааит, ахәыҷқәеи, урҭ рырҵаҩцәеи, рҭаацәеи рыцны Афонҿыцтәи аҳаԥы иаҭааит, анаҩс аетнопарк "Аԥсны" ицаны алекциа иазыӡырҩит. Иҭабуп ҳәа раҳҳәоит арҭ аҩ-усбарҭак рнапхгара ҳапроект адгылара ахьарҭаз азы.
Апроект "Ашьҭра" хықәкыс иамоуп ақыҭа хәыҷқәа Аԥсны аҭоурыхтә ҵакы змоу аҭыԥԥшӡарақәа дырбара, рыӡбахә рзеиҭаҳәара. Аныҟәарақәа убас ирызхәыцуп: абжьыуаа рхәыҷқәа Бзыԥан иҟоу Аԥсны аҭоурыхтә ҭыԥқәа ирҭаартә еиԥш, бзыԥаа рхәыҷқәа ракәзар - Мрагыларатәи Аԥсны абеиарақәа рбартә еиԥш.
0
Ахҳәаа ыҟам