Лента событий ВААК
Аетикет, агримҟаҵарҭақәа, «Асҭыҧҳа» – Лбаатәи Ешыра ашколхәыҷқәа» атеатр аҿы ахәылҧаз рзеиҿыркааит
АААК иацнаҵоит акультура-ҵарадырратә проект «Атеатр аҿы ахәылҧаз». Уажәазы атеатр сасцәаны иаҭааит В.Г. Арӡынба ихьӡ зху Ешыратәи абжьаратә школ аҵаҩцәа.
Традициала ишаҧу еиҧш, ахәыҷқәа рзы атеатртә ҟазара адунеи ахь аекскурсиа мҩаҧылгеит Аҧсны Зҽаҧсазтәыз ажурналист, актриса Елеонора Коӷониаҧҳа. Лара ашколхәыҷқәа ирымалдеит аетикет амаӡақәа, ирзеиҭалҳәеит артист иџьабаа пату шақәҵатәу, насгьы иреиллыркааит азал аҿы аҭынчра баша ҧҟараны акәымкәа, арҿиаратә процесс аҿы акрызҵазкуа хәҭакны изыҟоу атәы.
Ашколхәыҷқәа рзы апрограмма гәылҭәааны еиҿкаан. Дара атеатр асцена ашьҭахьтәи аган ала иддырбеит, уаҟа лабҿаба иҩнаҧшит афырхацәа рхаҿсахьақәа хьаҧырҵо агримҟаҵарҭақәа. Аспектакль иалагаанӡа ахәыҷқәа атеатртә буфет аҿы ирыдыркылеит.
Ахәылҧаз кульминациас иаиуит Алеқсандр Островски ипиесала иқәыргылаз аспектакль «Асҭыҧҳа» ахәаҧшра.
