Лента событий ВААК
Вернуться к ленте
27.04.2026 14:37
Аҟәа, Аԥсны Аҳәынҭқарра
«Атеатр аҿы ахәылҧаз» АААКи Аҧсуа драматә театри апроект ахь алахәылацәа ҿыцқәа рыдыркылеит
Адунеизегьтәи аҧсуа-абаза конгресси С. Ҷанба ихьӡ зху Аҧсуа драматә театри русеицура аҳәаақәа ырҭбаауа иацырҵоит «Атеатр аҿы ахәылҧаз» захьӡу апроект. Уи аҳәаақәа ирҭагӡаны атеатр иаҭааит Џьырхәатәи 1-тәи абжьаратә школ аҵаҩцәа.
Аҧсны Зҽаҧсазтәыз ажурналист, актриса Елеонора Коҕониаҧҳа аҵаҩцәа атеатр длырбеит, инеиҵыху аекскурсиа рзымҩаҧылгеит. Лара дырзааҭгылеит аҳәынҭқарратә театр аҟазара аҭоурых, ирзеиҭалҳәеит ақәгыларақәа раан ахымҩаҧгашьа аҧҟарақәа. Ахәыҷқәа асцена ашьҭахь иҟоу ауадақәа ирҭааит, уаҟа актиорцәа ирацәажәартә еиҧш алшара рырҭеит.
Апрограмма кульминациа хаданы иҟалеит Таиф Аџьба имшынҵақәеи иажәеинраалақәеи шьаҭас измоу аибашьра иазку аспектакль «Бзиала иаҳзырша» ахәаҧшра.
0
Ахҳәаа ыҟам