Лента событий ВААК
Аҿар адунеизегьтәи рфестиваль азырхиаразы амилаҭтә комитет аусура иалагеит Аԥсны.
Аҿар адунеизегьтәи рфестиваль - 2024 азырхиара аҳәаақәа ирҭагӡаны амилаҭтә комитет аусура иалагеит Аԥсны. Уи аусура аартын Аҿари аспорти русқәа рзы аҳәынҭқарратә еилакы аилатәараҿы цәыбрра 8 рзы.
Аилатәара рхы аладырхәит Аҿари аспорти русқәа рзы аҳәынҭқарратә еилаки Аҟәа ақалақьтә хеилаки рхаҭарнакцәа, Адунеизегьтәи аԥсуа-абаза конгресс аусзуҩцәа, Аԥсны аҿар рассоциациа "Аԥеиԥш" алахәцәа. Ирылацәажәеит Аҿар адунеизегьтәи рфестиваль азырхиаразы амилаҭтә комитет аԥҵареи уи анапхгараҭареи ирыдҳәалаз азҵаарақәа, иара уи акомитет хықәкыс, хыдҵақәас иамазаауа алыркааит.
Аҿар адунеизегьтәи рфестиваль мҩаԥысуеит 2024 шықәса хәажәкыра 1-7 рыбжьара аыфедералтә ҵакырадгьыл "Сириус". Ари аусмҩаԥгатә иалахәхоит Аԥснытәи адегеациагьы.
Харитон Агрба апрофессионалтә ринг аҟны 12-тәи аиааира игеит.
Аиндаҭлара мҩаԥысит цәыббра 8 рзы Челиабинск RCC Boxing Promotions еиҿнакааз абокс ахәылԥаз аҳәаақәа ирҭагӡаны.
Харитон диндаҭлон 31 шықәса зхыҵуа Панаматәи абоксиор Александр Диуран. Иахьынӡеиқәԥоз Харитон аԥыжәара шимаз убаратәы иҟан. Аиааирагьы ианаршьеит атехникатә нокаут ала 10-тәи араунд шцоз.
Ари аиааира иабзоураны Харитон Агрба WBA аверсиала Адунеи аҿы иреиӷьу абоксорцәа 15-ҩык рсиа даанахәарц алшара инаҭоит.
Аԥсны аҵеи иаиааира ду идаҳныҳәалоит ақәҿиара ҿыцқәа изеиӷьаҳшьоит аринахысгьы.
