Лента событий ВААК
АААК еиҿнакааит ахәыҷқәа рыхьчара Амш иазкыз аныҳәа
Ахәыҷқәа рыхьчара иазку Жәларбжьаратәи амш аҽны Адунеизегьтәи аҧсуа-абаза конгресс еиҿнакааит згәабзиаратә лшарақәа ҧку ахәыҷқәа ирызкыз аныҳәатә қәгылара. Аусмҩаҧгатә еиҿкаан згәабзиаратә лшарақәа ҧку ахәыҷқәа реиҭашьақәыргылара иазку Ареспубликатә ҭыҧ хадаҿы. Аныҳәахь ааҧхьара рыҭан ахәыҷқәа бзиа ирбо амультфильмтә фырхацәа рымаҭәақәа зшәыз аниматорцәа. Аҭыҧ хадаҿы аҳра руан ахәыҷқәа рыччаҧшь ала иҭәыз аныҳәеи алахҿыхреи ратмосфера, алахәцәа зегьы агәаҳәара роуит. Ахәыҷтәы ныҳәа ҳамҭада ихыркәшамхеит. Аҵареи, асоциалтә активреи, агәабзиарахьчареи рзы АААК аҟәша аусзуҩцәа иаздырхиеит аусмҩаҧгатә алахәцәа зегьы рзы аҳамҭатә еизгақәа.
АААК аофис иаҭааит Аедыгьтәылатәи аделегациа ахаҭарнакцәа.
Адунеизегьтәи аҧсуа-абаза конгресс Аҟәатәи аофис иаҭааит Марзиат Биданоки Марина Темзоковеи. https://abaza.org/abk/1166
