Адунеизегьтәи
аԥсуа-абаза
конгресс

Алагаратә арратә ҽазыҟаҵара иазку апроект аҳәаақәа ирҭагӡаны изаамҭанытәиу аҭыҵра еиҿыркааит Гәдоуҭатәи абжьаратә школ N 2 аҵаҩцәа рзы.

Традициала ишаҧу еиҧш, апрограмма хацдыркит абжьгарақәа рыла: ашколхәыҷқәа иреилдыркааит абџьар ахархәара аҧҟарақәа, ахысраан ашәарҭадара алыршашьа, иддырбеит ииашаны агылашьеи абџьар ацәҟьа ақәкшьеи. Атеориа ашьҭахь аҵаҩцәа идырҳаз адыррақәа рхы иадырхәеит ахысраан. Ашколхәыҷқәа гәырӷьаҵәа еибырҳәон ирбаз-ираҳаз. Аҧсҭазаара иаҳнарбеит: ас еиҧш иҟоу аҽазыҟаҵарақәа арҵаратә ҧышәа арҿиауеит.

АААК иҭабуп ҳәа рарҳәоит Гәдоуҭа араион ахадара аҵараҟәша анапхгара, апроект анагӡараан ирырҭаз атранспорт азы.