Аԥсуа бызшәа
Иаҳгәалаҳаршәап ҳазхысыз авидеоурокқәа жәаба АААК Аинфопортал ихацнаркыз онлаин-проект "Аԥсышәала ҳцәажәоит/Абазала ҳцәажәоит" аҳәаақәа ирҭагӡаны. Авидео ианҵаны иаашәышьҭла ишәҵаз афразақәа, ҳара урҭ ҳкьыԥхьлоит асоциалтә ҳақәа рҟны иҳамоу адаҟьақәа рҿы.
Аԥсуа бызшәа – кавказтәи абызшәатә ҭаацәара иалоу мраҭашәара-кавказтәи (аԥсуа-адыга) абызшәатә гәыԥ ахь иаҵанакуеит. Зегь реиҳа иазааигәоу бызшәоуп абаза бызшәа, аԥсшәеи абаза бызшәеи иргәыцхәу бызшәақәоуп иара убас адыга бызшәа, аҟабарда-черқьес бызшәа, нас аубых бызшәа (иахьазы иԥсхьоу). Аԥсуа бызшәа адунеиаҿы зегь реиҳа ижәытәӡоу, ҳаамҭанӡа еиқәхаз архаикатә бызшәақәа ируакуп. Аԥсуа бызшәа алфавит 64 нбан рыла ишьақәгылоуп: ацыбжьыҟа шьҭыбжьқәа 56 ыҟоуп, абжьыҟақәа 6, иара убас арԥшқага дыргеи ахаргьежьратә дыргеи.
Баграт Шьынқәба ихьӡ зху аԥсуа бызшәа афонд ахантәаҩы, АААК Иреиҳаӡоу ахеилак алахәыла Виачеслав Чрыгба еиҭеиҳәеит аԥсуа бызшәа аиқәырхара аус аҿы Уельстәи (Британиа Ду) аԥышәа ҳаҿыԥшыр шыҟало.
Аԥсуа бызшәа аҵаразы иҟоу алшарақәа ирызку астатиақәа рцикл иацҵо, АААК аинфопортал иазнархиеит Босфортәи ауниверситети Ҭырқәтәыла иҟоу амилаҭтә центрқәеи рҟны аԥсуа бызшәа шыддырҵо азы астатиа.
АААК аинфопортал хықәкыс ишьҭнахит ахатәы бызшәа аҵаразы Аԥсны иҟоу алшарақәа реилкаареи насгьы урҭ ҷыдарақәас ирымоу азгәаҭареи.
Лондонтәи адернеқь иалахәу ҩажәаҩык инареиҳаны ауааԥсыра аԥсуа бызшәа акурсқәа рахь иныҟәоит.
Сҭамԥыл иҟоу Аԥсуа культуратә центр аҿы аԥсшәа арҵаҩыс иҟоу Дали Санӡааԥҳа ҳкорреспондент изеиҭалҳәеит лҵаҩцәа зеиԥшроу, проблема хадас иахьазы иқәгылоу – арҵага шәҟәы бзиақәа рыҟамзаара шакәу, иара убас лҵаҩцәа рықәҿиарақәа азгәаҭауа, агәра шылгаз – аԥсшәа ахы инаркны аҵара илшоит дарбанызаалак, зуаҩыбжара иҭысхьоу иакәзаргьы.