Лента событий ВААК
АААК ИА ахантәаҩы Мусса Егзакь иҟаиҵаз ашықәсҿыцтәи адныҳәалара
Ҳаҭыр зқәу аҩызцәа! Аиашьцәеи аиаҳәшьцәеи!
Ииасуеит ҨНЫЗҚЬИ ҨАЖӘИ ҦШЬБА шықәса. Иара мариамызт, аха иҭәын илахҿыху ахҭысқәа рыла.
Урыстәылеи Аҧсни иацаҳҵеит ҳажәлар аҿиареи, ҳкультуреи ҳҵасқәеи реиқәырхареи ирызку аусура.
Ҳара аус еицаҳуан ауаа зегьы рыҧсҭазаара аиӷьтәразы.
Имаҷым иҳалҳаршаз иҷыдоу арратә операциа иалахәу ауааи урҭ рҭаацәеи ацхыраара рыҭаразы.
Агәыҳалалратә цхыраара ҳшьҭуан Урыстәыла арегион ҿыцқәа рахь, ацхыраара иазку азакәанқәа рыдкыларазы аҧшьгарақәа ҟаҳҵон.
Аҧсни, Урыстәылеи, егьырҭ атәылақәа рҿи хкырацәала имҩаҧаҳгеит агуманитартә проектқәа.
Уаанӡеиҧш уажәгьы хықәкы хаданы иҳамоуп зыжәлар рымаҵ аура зылшо, изҭаху ауаа ари аусура ралагалара.
Агәра ганы сыҟоуп гәык-ҧсык ала аус ҳур алҵшәа бзиақәа шааҳарҧшуа.
Аидгылара «Алашареи» Адунеизегьтәи аҧсуа-абаза конгресси русура алҵшәақәа иаҳдырбоит аӡәыкны аидгылара шҳалшо, ус анакәха гәыӷәӷәарала ҧхьаҟа ҳаҧшуеит.
Иахьа Урыстәылеи, Аҧсни, адунеи зегьи аҭоурыхтә еиҭакрақәа рыхҭыргоит.
Ас еиҧш иҟоу аамҭақәа раан аусқәа разҧхьагәаҭара уадаҩуп.
Аха абас еиҧш иҟоу аамҭақәа раан еиқәырхатәуп хадара злоу - ахы агәрагара, ажәлар рыгәрагара, атәыла агәрагара.
Ҳазегьы иҳашьҭагылоуп изеиҧшразаалакгьы ауадаҩрақәа риааира шрылшо изныкымкәа иаазырҧшхьоу ҳаиҳабацәа рҧышәа.
Ҳара зегьы - иаку аус ду ҳахәҭакуп. Ҳазҿу аусқәа, ҳгәаҳәарақәа, уаҵәтәи амш аиӷьтәразы иҳамоу агәаӷьра - абарҭқәа зегьы роуп ҳҧеиҧш зчаҧо.
Ҳазҭало ашықәс Ҿыц иаҳзаанагааит аихьӡара ҿыцқәа рзы агәамч ҳазҭазҵо ахатәымчқәа рыгәрагара.
Ҳаҭыр зқәу аҩызцәа!
Ашықәс Ҿыц - ауацәеи аҭынхацәеи рыбжьара ҳазҧыло ныҳәоуп.
Иахьа аҵак ду рымоуп аҭаацәаратә ҵасқәа реиҷаҳара, ҳаиҳабацәа рыхӡыӡаара, ахәыҷқәа бзиабаралеи гәцаракралеи рааӡара.
Ҩнаҭацыҧхьаӡеи ҭаацәацыҧхьаӡеи ишәзеиӷьасшьоит аманшәалареи ҧхьаҟатәи ҳҧеиҧш агәрагареи.
Ишәзеиӷьасшьоит агәабзиареи анасыҧи.
Ҽаанбзиала!