Лента событий ВААК
Мусса Егзакь ианаршьеит «Санкт-Петербург аҿаҧхьа алшамҭақәа рзы» аҳаҭыртә дырга
Санкт-Петербург ақалақь аҟны, Смольныи ахыбра аҩныҵҟа имҩаҧысит аныҳәатә церемониа. Петербург инарылукааша ауааҧсыра иранаршьеит Урыстәылатәи Афедерациа аҳәынҭқарратә ҳамҭақәеи атәыла Ахада иҟнытә аџьшьарақәеи. ҞЧА Жәлар Реизара ахантәаҩы ихаҭыҧуаҩ, АААК ИА ахантәаҩы Мусса Егзакь Агубернатор Алеқсандр Беглов инапы аҟынтәи иоуит «Санкт-Петербург аҿаҧхьа алшамҭақәа рзы» аҳаҭыртә дырга.
Иара убасгьы аҳамҭақәа ранаршьеит аҭҵаарадырреи, акультуреи, аҵареи, ааглыхреи, амедицинеи рхаҭарнакцәа. Агубернатор ишазгәеиҭаз ала, доусу имаҵуратә ҭыҧ аҿы илшо зегьы ҟаиҵоит атәыла шәҭыкакаҷразы.
«Сара иҭабуп ҳәа расҳәоит Аҩадатәи Аҳҭнықалақь аҿы ҳкоманда аусура ахәшьара ҳаракы ахьарҭаз азы. Еиҳараӡакгьы игәазырҳагоуп «Гранд Канион» 20 шықәса ахыҵра аназгәаҳҭо амшқәа раан аҳамҭақәа ранашьара ахьымҩаҧысыз. Петербурги уи ауааҧсыреи ирыхәаша ҳусура анаҩсгьы иацаҳҵоит», - ҳәа азгәеиҭеит Мусса Егзакь.
Зынӡа аусмҩаҧгатә иалагӡаны иранашьан 64 ҳамҭа.
