Лента событий ВААК
Иааҧсаз, аха згәы алаҟоу: Аҷандаратәи ашколхәыҷқәа “Аимадара” апроект аҿы
Апроект “Аимадара” аҳәаақәа ирҭагӡаны, аҭыҧантәи аҟәшақәа аус рыцуразы АААК аҟәша еиҿнакааит Т.Шь. Аџьба ихьӡ зху Аҷандаратәи абжьаратә школ аҵаҩцәа рзы изаамҭанытәиу аекскурсиатә мшы. Уажәазы аиҳабыратә классқәа рҵаҩцәа аҭааит Оҭаҧ иҟоу Абраскьыл иҳаҧи Мықәтәи ауахәамеи.
Аныҟәара ахыркәшамҭазы алахәҩцәа ирзыҧшын ргәы иаахәаша аҳамҭа - иблахкыгоу Аӡына аҩхааҿы апикник.
Олег Бебиа игәалашәара иазкны
Аҧсни Урыстәылеи аспорт зҽаҧсазтәыз азҟаза Олег Бебиа дҭахеит лаҵарамза 10, 2023 шықәса рзы, ахәцәа рҭыгараан, иҷыдоу арратә операциа ахьымҩаҧысуа аҵакырадгьыл аҿы. Иааирҧшыз агәымшәаразы данҭаха ашьҭахь ианаршьеит Урыстәылатәи Афедерациа Атәылахьчара аминистрра амедали, Афырхаҵаразы аордени, ахьы иалху Гьаргь иџьар 1-тәи аҩаӡареи. «Сокол» ҳәа ахьӡ ҷыда змаз аибашьҩы иҧсҭазаареи иҭахареи ирызкны шәаҧхьа ажурналист, АААК Аҳәса рхеилак ахантәаҩы Екатерина Бебиаҧҳа лматериал аҿы.
