Лента событий ВААК
16 Лаҵара 2024
16.05.2024 17:13
Тҟәарчал, Аԥсны Аҳәынҭқарра
Асоциалтә проектҟаҵара ашьаҭақәа ирызкыз атренинг мҩаҧысит Тҟәарчал
Атренингқәа рхықәкы — апроектқәа реиқәыршәашьеи, қәҿиарала рынагӡашьеи адырҵара.
Асоциалтә проектҟаҵара ашьаҭақәа ирызкыз, ҩымштәи атренинг мҩаҧысит И. Н. Воронов ихьӡ зху Тҟәарчалтәи абжьаратә школ № 2. Уи мҩаҧигеит Очамчыра иҟоу аҿартә еиҿкаара «IQan» ахантәаҩы Мате Ҵквитариа.
Атренинг алкаақәа ҟаҵо, алахәҩцәа иӡырыргеит апроектқәа ҩба: ақалақь аҿы аҿар рклуб аартреи, атренингқәа рымҩаҧгареи агәам-сам аизгарҭақәа рышьақәыргылареи рыла ишьақәгылоу аекологиатә проекти. Акомиссиа аӡбамҭала, аҿар рклуб аартра афинанстә дгылара аиуеит. Хара имгакәа, уи анагӡара иалагоит.
Асоциалтә проектҟаҵара ашьаҭақәа ирызку апроект — Адунеизегьтәи аҧсуа-абаза конгресси аҿари аспорти рзы Аҳәынҭқарратә еилаки еицымҩаҧырго проектуп.
0