Лента событий ВААК
Мусса Егзакь АААК агәыҧ иҽрымаданы имҩаҧигеит аихшьаалатә видеоконференциа
Адунеизегьтәи аҧсуа-абаза конгресс аофис аҿы имҩаҧысит АААК Иреиҳаӡоу Ахеилак Ахантәаҩы Мусса Егзакьи Аконгресс агәыҧи рвидеоконференциа. Аицәажәара рхы аладырхәит АААК ИА Ахантәаҩы Иусбарҭа анапхгаҩы Абзагә Ҵәыџьбеи аинформациатә политикеи аимадарақәеи рнапхгаҩы Ҭенгиз Ҭарбеи.
Аиҧылараҿы ииасуа ашықәс аихшьаалақәа ҟарҵеит, 2025 шықәсазы апланқәа азҧхьагәарҭеит. Аҟәшақәа русзуҩцәа ашықәс иалагӡаны ирылшаз атәы иалацәажәеит, инагӡоу апроектқәа реихшьаала ҟарҵеит. Аицәажәараан иара убасгьы иазҧхьагәарҭеит иааиуа ашықәс азы аҳасабтәқәеи хадара злоу ахырхарҭақәеи.
Мусса Егзакь имҩаҧгаз аусура ахә ҳаракны ишьеит, агәыҧ иаадырҧшыз аџьабзиабареи аидгылареи азгәеиҭеит. Аицәажәара хыркәшауа АААК ИА Ахантәаҩы аусзуҩцәа дрықәныҳәеит, ҳазҭало ашықәс азы ақәҿиарақәеи аихьӡарақәеи рзеиӷьаишьеит.
