Лента событий ВААК
Аҧсны ихацыркхеит амилаҭтә хәмарра «Аимҵакьачара» иазку Жәларбжьаратәи аицлабра.
Аҧсны раҧхьаӡа акәны имҩаҧысуеит амилаҭтә хәмарра «Аимҵакьачара» иазку жәларбжьаратәи ареспубликатә еицлабра. Уи еиҿыркааит Адунеизегьтәи аҧсуа-абаза конгресси, Аҧсадгьыл ахь архынҳәразы аҳәынҭқарратә еилаки, Аҿари аспорти русқәа рзы аҳәынҭқарратә еилаки, ақ. Аҟәа Ахадара аҿари аспорти русқәа рзы Аусбарҭеи.
Афинал аҿы еиндаҭлоит ҳтәыла аҟнытә 8-гәыҧки Ҭырқәтәыла инхо аҧсуаа еиҿыркааз агәыҧи. Аицлабра хацыркын Ахьӡ-аҧша апарк аҟны игылоу иҭахаз рбаҟа амҵан ашәҭқәа рышьҭаҵарала. Аофициалтә аартраҿы адныҳәаларазы иқәгылеит ақ. Аҟәа ахада ихаҭыҧуаҩ Автандил Сурманиӡе, Аҧсадгьыл ахь архынҳәразы аҳәынҭқарратә еилакы ахантәаҩы Вадим Ҳаразиа, Аҿари аспорти русқәа рзы Аҧсны аҳәынҭқарратә еилакы ахантәаҩы Ҭарашь Ҳагба, АААК Аҟәатәи аҟәша анапхгаҩы Ҭемыр Рекәаа, Ҭырқәтәыла иҟоу Балбалы (Калдахәара) ақыҭа ахада Ерџьаи Паҷкориа.
Ахәмаррақәа мҩаслоит цәыббрамза 6-нӡа. Аицлабра аҽалархәреи агәыҧқәа рыдгылареи зҭаху зегьы ааҧхьара раҳҭоит Аҟәа астадион «Динамо»! Аҩналара хәыда-ҧсадоуп.
Мусса Егзакь Ҭырқәтәыла аҩызахара иазку Аилазаара дапрезидентхеит.
Жәларбжьаратәи аидгылара «Алашара» апрезидент, Адунеизегьтәи аҧсуа-абаза конгресс Иреиҳаӡоу ахеилак ахантәаҩы, Ҟарачы-Черқьесиатәи ареспублика Жәлар реизара ахантәаҩы ихаҭыҧуаҩ Мусса Хабал-иҧа Егзакь Ҭырқәтәыла аҩызахара иазку Аилазаара дапрезидентхеит. https://abaza.org/abk/1178
Ахәыҷы иҿиара актуалтә проблемақәа: АААК Гагра имҩаҧнагеит арҵаратә тренинг.
Ашколқәранӡатәи аҵарадырра иадҳәалоу апроблемақәа ирызкыз ҩымштәи аинтенсив мҩаҧган Гагра араион ахәыҷбаҳчақәа рааӡаҩцәа рзы. https://abaza.org/abk/1177
Адунеи иқәынхо аҧсуааи абазақәеи реидкылара - АААК адҵа хада ауп.
Аконгресс аофис ашәқәа еснагь иаартуп адиаспора ахаҭарнакцәа рзы. АААК аколлектив русура иахцәажәоит, рҧышәа егьырҭ ирымардоит, аизыҟазаашьақәа рырӷәӷәара иацхрааша хацдыркуеит, насгьы гәырӷьарыла ирыдыркылоит аусеицура иазку ҳџьынџьуаа ражәалагалақәа.
Иахьа, аофис дсасны даҭан Адаҧазар инхо ҳџьынџьуаҩ Емирхан Башныхә. Емирхан аус иуеит Анкара, TRT (Ҭырқәтәыла ателерадиоеилахәыра) акорреспондентс. Уи далацәажәеит Ҭырқәтәыла инхо абаза гәыҧ аиҧыларақәа шхацдыркуа, рҭоурыхтә ҧсадгьыл иадҳәалоу азҵаарақәа ишрылацәажәо, акзаара алыршаразы активла аицәажәара шымҩаҧырго.