Лента событий ВААК
АААК агәыҧ ашәҭшьыҵәрақәа шьҭарҵеит В. Арӡынба ибаҟа амҵан
АААК агәыҧ рхы аладырхәит Аладатәи Ешыра иҟоу Аҧсны Раҧхьатәи Ахада Владислав Арӡынба ибаҟа амҵан ашәҭшьыҵәрақәа рышьҭаҵара ацеремониа.
Владислав Арӡынба - инарылукааша аҵарауаҩ-мрагылараҭҵааҩ, аҳәынҭқарра-политикатә усзуҩы ду, ҳаамҭазтәи аҧсуа ҳәынҭқарра ашьаҭаркҩы.
АААК иацнаҵоит апроект «Аимадара».
Очамчыратәи ашкол-интернат аҵаҩцәа 20-ҩык Аҟәаҟа ныҟәара иааргеит. https://abaza.org/abk/1231
Атеатр аҟны ахәылҧаз: АААК ихацнаркит ақыҭа школхәыҷқәа ирызку апроект ҿыц
Адунеизегьтәи аҧсуа-абаза конгресси С. Ҷанба ихьӡ зху Аҧсуа драматә театри еилахәны ихацдыркит апроект ҿыц, уи аҳәаақәа ирҭагӡаны, ақыҭа школхәыҷқәа аспектакльқәа ирҭаауеит, атеатр адунеи иабадыруеит.https://abaza.org/abk/1229
Иуадаҩу аӡбамҭақәеи аиааирақәеи: АААК имҩаҧнагеит Владислав Арӡынба изкыз агәаларшәаратә хәылҧазы
Аҧсны Раҧхьатәи Ахада диижьҭеи 79 шықәса аҵра инақәыршәаны, аиҿцәажәара аформат аҭаны Адунеизегьтәи аҧсуа-абаза конгресс имҩаҧнагеит Владислав Арӡынба игәалашәара иазкыз ахәылҧаз. Уи иалахәын кыраамҭа Владислав Арӡынба иааигәара иҟаз уи ихаҭара иадҳәалоу аҭоурыхқәа рацәаны издыруа ауаажәларра-политикатә усзуҩцәа Сократ Аџьынџьал, Виачеслав Чрыгба, Руслан Ҳашыг, Асҭамыр Ҭаниа. Аиҧылара хықәкыс иаман имариам аӡбамҭақәеи, аиааирақәеи, аҧсуа ҳәынҭқарра аконцепциа агәрагареи рыла иҭәыз Владислав Арӡынба иҧсҭазаара адоуҳа ацәыргара.
Аҧсны Аҳәынҭқарра Аҧсадгьыл ахь архынҳәразы аҳәынҭқарратә еилакы аконференц-зал аҿы иӡырыргеит апроект ҿыцқәа ҩба.
АААКи Аҧсны Аҳәынҭқарра Аҧсадгьыл ахь архынҳәразы аҳәынҭқарратә еилаки еицымҩаҧыргаз аусура иалҵшәахеит апроектқәа «Аурашьа» «Аҧсуа кәашара». https://abaza.org/abk/1227
АААК иацнаҵоит адиспансеризациа.
Адунеизегьтәи аҧсуа-абаза конгресс ашықәсҿыцтәи аҧсшьара ашьҭахь ихацнаркит апроектқәа русура. Ус, АААК агәыҧи Аҧсны Аҳәынҭқарра Агәабзиарахьчара аминистрреи иацырҵеит ақыҭа школхәыҷқәа адиспансеризациа рахыжьразы апроект.
2025 шықәсазы раҧхьатәи аусуратә ҭыҵра еиҿыркааит Аӡҩыбжьа. Амедицинатә гәаҭара амҩаҧгаразы Аӡҩыбжьатәи абжьаратә школ иаҭааит амедиаҳәшьа Мадина Кьылҧҳа дызцыз акардиологцәа Ирина Бондаревеи Оксана Лакрҧҳаи, аотоларинголог Лана Мқанҧҳа, аневролог Саида Канџьариаҧҳа, аневролог, аузи-гәаҭаҩ Альбина Хәаџьааҧҳа, аблаҳақьым Фатима Сангәлиаҧҳа, ахәыҷтәы ҳақьым Азамаҭ Хьыбба, ареабилитолог Арзадин Агрба, ауролог Иури Зарандиа, аендокринологцәа Рената Анқәабҧҳаи Ҳамида Џьыкрҧҳаи. Ашьа азеиҧш ҭҵаареи ашьақар аҩаӡара агәаҭареи рышьҭахь, ахәыҷқәа урҭ алҵшәақәа рыманы аҳақьым иахь инеиуан.
Агәаҭара иахысит 100-ҩык инареиҳаны ашколхәыҷқәеи арҵаҩцәеи. Уаанӡа ишаҧыз еиҧш, аҳақьымцәа ирыцхраауан аволонтерцәа - ААУ астудентцәа.
АААК ахәыҷқәа рзы иазнархиеит арҵагатә карточкақәа
Автортә сахьақәа зну акарточка лахҿыхқәа ахәыҷы ицхраауеит хатәы бызшәала ажәа ҿыцқәа рҵараҿы, аҧсуа етикет (аҧсуара) аҭҵаараҿы, ауаа рыбжьара ахымҩаҧгашьа аилкаараҿы.
Акарточкақәа еиқәдыршәеит АААКи ААУ аҧсуа бызшәа акафедра арҵаҩы Инна Џьугелиаҧҳаи еицхырааны. Асахьақәа равтор - Камилла Аршҧҳа. Урҭ рхархәара рабжьыргоит ашкол иҭамлаци иҭалахьоуи ахәыҷқәа рзы.
Арҿиагатә карточкақәа рзыршоит Аҧсны ашколқәа ацхыраагӡа-лабҿабатә материал аҳасаб ала.
Иҭышәҵаала аҧсуа етикет аҧҟарақәа, шәхәыҷқәа идшәырҵала ҳажәлар рдоуҳатә хәдурақәа, ирылашәааӡа аиҳабацәа пату рықәҵара, аамсҭашәара, анамысра.
Арҿиагатә карточкақәа релектронтә версиа шәыҧшаар ҟалоит ҳофициалтә даҟьаҿы.
