Ҳара иҳазкны
Аҭыҧантәи ахаҭарнакрақәа аус рыцуразы АААК аҟәша аҵаратә шықәса ҿыц азы еиҭахацнаркит апроект «Аимадара». Апроект аҩбатәи аетап аҿы раҧхьаӡа акәны рхы аладырхәит Тәанаархәытәи абжьаратә школ аҵаҩцәа.
АААК ахы аланархәит Кавказтәи аибашьра иалаӡыз ргәаларшәара Амш иазкыз аусмҩаҧгатәқәа.
Изныҧшуеи ажәлар рдоуҳа? Ажәлар рдоуҳа аныҧшуеит рбызшәала, рҵас, ркультурала. Иара убасгьы абиҧарала еимырдо, ауаа ргәалаҟазаара ашьҭыхреи ирыхәаша аҟаҵареи рзы алшара аҧызҵо анапҟазарақәа рыла. "Згәы еисуа аҟазара" – Адунеизегьтәи аҧсуа-абаза конгресс апроект ҿыц ауп. Адырраҭарақәа рцикл иаҳзеиҭарҳәоит ҳаҵасқәа ҿымцәаартә, ҳаамҭазтәи акультура иахәҭакны еиқәзырхо анапҟазацәа рыӡбахә. Адырраҭарақәа рыбзоурала анапҟазара аҭоурыхи атехнологиеи рзы шәдыррақәа еизҳауеит, иҟалап аҟазараҿы шәхы ҧышәшәарц азы агәазыҳәара шәоургьы.
2024 шықәсазы АААК имҩаҧнаго апроект ҿыцқәа ируакуп ақыҭа школқәа рҵаҩцәа асоциалтә проектҟаҵара ашьаҭақәа дырҵара.
Аҧсуа литература ашьаҭаркҩы, Аҧсны жәлар рпоет, аҵарауаҩ Дырмит Гәлиа 150 шықәса ихыҵра инамаданы, АААК Д. И. Гәлиа имчыбжь рыланаҳәоит. Есыҽны ишәыдаҳгалалоит ашәҟәыҩҩы иҧсҭазаареи ирҿиареи ирыдҳәалоу акьыҧхьымҭақәа. Ҳсоциалтә ҳақәа шәрыцклаҧшла — аинтерес аҵазаауеит!
АААК иацнаҵоит Аԥсны ақыҭашколхәыҷқәа адиспансеризациа рахыжьра иазку апроект амҩаҧгара. 2024-тәи ашықәс азы раҧхьатәи аусуратә ҭыҵра еиҿкаан Гәдоуҭа араион, Оҭҳара ақыҭа.
Аҿар рыҿиареи абаҩрҵәыреи рзы АААК аҟәша иацнаҵоит Аҧсны ақыҭақәеи ақалақьқәеи рҿы аҧсуа милаҭтә хәмаррақәа ирызку амастер-классқәа рымҩаҧгара.