Адунеизегьтәи
аԥсуа-абаза
конгресс

Изныҧшуеи ажәлар рдоуҳа? Ажәлар рдоуҳа аныҧшуеит рбызшәала, рҵас, ркультурала. Иара убасгьы абиҧарала еимырдо, ауаа ргәалаҟазаара ашьҭыхреи ирыхәаша аҟаҵареи рзы алшара аҧызҵо анапҟазарақәа рыла. "Згәы еисуа аҟазара" – Адунеизегьтәи аҧсуа-абаза конгресс апроект ҿыц ауп.  Адырраҭарақәа рцикл иаҳзеиҭарҳәоит ҳаҵасқәа ҿымцәаартә, ҳаамҭазтәи акультура иахәҭакны еиқәзырхо анапҟазацәа рыӡбахә. Адырраҭарақәа рыбзоурала анапҟазара аҭоурыхи атехнологиеи рзы шәдыррақәа еизҳауеит, иҟалап аҟазараҿы шәхы ҧышәшәарц азы агәазыҳәара шәоургьы.

Адунеизегьтәи аҧсуа-абаза конгресс Иреиҳаӡоу ахеилак Ахантәаҩы Мусса Егзагь иааихәеит раҧхьатәи аҧсуа сахьаҭыхҩы, адунеи аҿы еицырдыруа аҟаза Алықьсандр Чачба-Шервашиӡе иусумҭақәа 10.

Шәахәаԥшырц ишәыдаагалоит ажурналист Екатерина Бебиаԥҳаи аҵарауаҩ Емма Кьылԥҳаи реиҿцәажәара.

Адунеизегьтәи аԥсуа-абаза конгрессии аилазаара «Алашареи» еицыртәу апроект «Амазара» иацҵахоит абаза ҭацаагаратә қьабзқәа ирызку авидеофильмқәа рцикл аҭыхрала.  

Адунеизегьтәи  аԥсуа-абаза конгресси амузыкант Абзагә Марыхәбеи амузыкатә проект «Аҿар рыбжьы» аԥшьыргеит.

Аԥсны жәлар рышәҟәыҩҩы Алықьса Гогәуа иажәабжь «Асыс» ала иҭыху зметр кьаҿу афильм аԥсуа ахәаԥшцәа рзы раԥхьаӡатәи арбара еиҿнакааит АААК.

Абаза драматә театри акәашаратә ансамбль «Меркури» рҟазара аадырԥшит Ҟарачы-Черқьестәыла 100 шықәса ахыҵра иазкны Аԥсны имҩаԥысуаз ҞЧА акультура амшқәа раан.