Лента событий ВААК
АААК Река иҟоу афельшертә-ахәыҷышьҭыхратә ҭыԥ азы ахәшәқәа раахәара иацхрааит
Река иҟоу АААК Аҭыԥантәи аҟәша иҟанаҵаз аҳәара инақәыршәаны, Аконгресс агәыԥ ацхыраара ҟарҵеит Рекатәи афельшертә-ахәыҷышьҭыхратә ҭыԥ азы раԥхьатәи ацхыраара аҟаҵаразы ихәарҭоу ахәшәқәа раахәараҿы. Ақыҭаҿы фельдшер хадас аус луеит Ламара Ҳашԥҳа-Қәычбериа, 1992-1993 шықәсқәа рзтәи Аԥсны жәлар рџьынџьтәылатә еибашьраҿы иҭахаз афырхаҵа Иури Қәычбериа иан. Река ақыҭан иҟоу афельдшертә ҭыԥ шықәсык ахь ҩ-нызқьҩык инареиҳаны ауааԥсыра аднакылоит.
АААК азанааҭалхра иазкыз атренинг мҩаԥнагеит Бамборатәи абжьаратә школ аиҳабыратә классқәа рҵаҩцәа рзыҳәан
АААК Аҵараиуреи, асоциалтә активреи, агәабзиарахьчареи рыҟәша апроект аҳәаақәа ирҭагӡаны Бамборатәи абжьаратә школ аҟны имҩаԥысит азанааҭалхра иазкыз атренинг ажәбатәи, ажәеизатәи аклассқәа рҿы итәу аҵаҩцәа рзы. Аконгресс иҭабуп ҳәа ранаҳәоит ари аиԥылара зхы алазырхәыз Аҟәатәи аҳәынҭқарратә коллеџь арҵаҩы Алиса Барцыцԥҳаи, ААУ астудентцәа Сариеи Нестори Касланӡиаа.
