Лента событий ВААК
Аҧсуа қәҧаҩцәа "Зов Олимпа" зыхьӡу аицлабраҿ жә-медальк рҽаҧсартәит.
Зыхиаиҭу астиль ала аҧсуа қәҧаҩцәа еиуеиҧшым аҩаӡарақәа рахь иаҵанакуа жә-медальк рҽаҧсартәит хәажәкырамза 29, Гьеленџьық имҩаҧысуаз, "Зов Олимпа" зыхьӡыз иаарту аицлабраҿы. Аицлабра иалахәын Ростов, Анапа, Гьеленџьық, Тҟәаҧс, Краснодар, Аедыгьтәыла рыҟнытә, 200-ҩык инареиҳаны аспортсмен ҿарацәа.
Аҧсны ахьӡала иқәгылан 11-ҩык рыла ишьақәгылаз, "Массив" зыхьӡыз аҟәатәи агәыҧ. Актәи аҭыҧ ааныркылеит Давид Кьылбеи Данил Басариеи. Араӡнытә медальқәа рҽаҧсартәит Денис Занҭариа, Владлен Қапба, Алан Бороловец, Алиас Ҳаџьынба. Аџьазтә медальқәа ранашьан Лаша Чхьебелиа, Арсен Қәҭелиа, Назар Караахмед. Ахәыҷқәа азыҟарҵоит Виктор Бороловеци Алмас Кьецбеи.
Аспортсменцәа аицлабра ралархәраҿы ацхыраара ҟаиҵеит АААК ИА Ахантәаҩы Мусса Егзакь. Ирыдаҳныҳәалоит аааира згаз аспортсменцәа!
