Лента событий ВААК
АААК Кавказтәи аибашьра иалаӡыз ргәалашәара амш иазкыз аусмҩаԥгатәқәа ирылахәын.
Кавказтәи аибашьраҿы иҭахаз ргәалашәара аҽны Адунеизегьтәи аԥсуа-абаза конгресс Аҟәатәи аофис аусзуҩцәа Амҳаџьырқәа рбаҟа амҵан ашәҭ шьыҵәрақәа шьҭарҵеит, иара убас Ашьамаҟа цәашьы адыркит. Ари ацәашьы аконгрессаа рнапала иҟарҵоит, маи 21 рзы абаҟа азааигәара ирбылуеижьҭеи сынтәа ԥшьышықәсоуп.
Аконгресс аусзуҩцәа Нарҭаа рымца аиқәҵарагьы рҽаладырхәит.
Адунеизегьтәи аԥсуа-абаза конгресс иаҳхаҳгахьоу аҭоурых арыцхәқәа зегьы патула ирзыҟоуп, еиҵагыло абиԥарақәа рызнагара иазааԥсоит, Аԥсуара аиқәырхареи аҿиареи инаваргыланы.
Аҷандареи Абӷархықәи ашколхәыҷқәеи арҵаҩцәеи адиспансеризациа иахрыжьит.
Адунеизегьтәи аԥсуа-абаза конгресс Аԥсны ақыҭақәа ирҭааны афбатәи адиспансеризациа мҩаԥнагеит.
Уажәазы ргәабзиара гәарҭеит Аҷандаратәи, Абӷархықәтәи ашколхәыҷқәеи арҵаҩцәеи. Адиспансеризациа ҩ-етапкны имҩаԥысит. Аԥхьа ршьа арҭеит азеиԥш анализ аҟаҵареи ашьақар иалоу ашәареи рзы. Анаҩс аҳақьымцәа алҵшәақәа рнапаҿы ироуз ала ахәыҷқәеи адуцәеи хаҭа-хаҭала ирыдыркылеит. Агәаҭарақәа мҩаԥыргон "Аԥсны ареабилитологцәа рассоциациа" ахаҭарнак Арзадин Агрба, акардиолог Ирина Фет-оглы, ЕКГ ҟазҵо амедеиҳәшьа Раиа Бороловец, аендокринолог Иулиа Кәыбраа, ахәыҷтәы ҳақьымцәа Ангелина Оҭрԥҳаи Наталиа Роговеи, аневролог Саида Кәанџьариа, ахәда ҳақьым Хатуна Какәылиа, абла ҳақьым Фатен Абаза.
Аҳақьымцәа ирыцхраауан Аконгресс аусзуҩцәа. Апациентцәа ранкетақәа еиқәдыршәон, ихадырҭәаауан, иҵегь аспециалистцәа ирыдҵаалараны иҟаз ашәҟәынҵа рырҭон. Адиспансеризациа иамҽханакит 130-ҩык инареиҳаны ауааԥсыра.
