Адунеизегьтәи
аԥсуа-абаза
конгресс

15 шықәса раԥхьа Аԥсны ихьыԥшым ҳәынҭқарраны Урыстәыла иазханаҵеит.

Нанҳәа 26, 2008 шықәсазы усҟантәи Урыстәылатәи Афедерациа ахада Дмитри Медведев инапы аҵаҩит Аԥсни Аахыҵ Уаԥстәылеи рхьыԥшымразы аусԥҟақәа. Уи нахыс аҩ-тәылак ахҳәаақәҵаразы жәларбжьаратәи азин роуит, амилаҭ хаҿрақәа еиқәырханы.

Агәыла ду иазхаҵара адунеи зегьы иднарбеит аԥсуа жәлар иалырхыз амҩа иаша ишацәхьамҵуа, иагьҿырԥшыгахеит егьырҭ атәылақәа жәпакы рзы. Урыстәыла анахыс Аԥсны ахьыԥшымра азхарҵеит Никарагуа, Венесуела, Шьамтәыла, Науру уҳәа Еиду Амилаҭқәа Реилазаара иахәҭаку атәылақәа. 

Абри аамҭа иалагӡаны Аԥсни Урыстәылеи реиҩызара аҩ-ҳәынҭқаррак акырӡа ирыхәарҭахеит, культуралагьы еибарбеиеит. Ари аимабзиара иабзоураны адунеи иалаԥсоу аԥсуа-абаза жәлар рхаҭарнакцәагьы реидкылара аус еихаҳахеит.

Ҳаԥхьаҟа макьана аус дуқәа шьҭоуп, ҳбызшәа ҳахьчароуп, ҳқьабзқәа еиқәҳархароуп, аха иҟаҵоугьы маҷушьартә иҟам. Ҳдоуҳатә мал аизыҳәҳәара ҳаҿуп, аҭоурых мырӡуа, аԥеиԥш лаша ҳазааԥсо. Агәра згоит ҳаизыҟазаашьа бзиақәа аринахысгьы ишԥымкхо, еиҳа-еиҳа ишыҭбаахо.

Шәадныҳәалазааит Аԥсны ахьыԥшымра азхаҵара амш! Аҭынчреи ашәҭыкакаҷреи умазааит, Аԥсынра!

Ари асабшаҽны Серпухов ақалақь аҟны имҩаԥысраны иҟоуп абокс абзиабаҩцәа зегьы рзы ихҭыс дуу "IBA ачемпионцәа рыҵх". Атурнир нанҳәа 27 рзы иазгәарҭо Жәларбжьаратәи абокс амш иазкуп.

Адунеи иреиӷьу аспортсменцәа дрыгәҭылакны даҳбоит Аԥсны иалҵыз апрофессионалтә боксиор, АААК алахәыла Харитон Агрба. Аспортсмен қәыԥш ақәҿиара дуқәа иоухьеит: Европатәи ахәмаррақәа рҟны араӡны медал даԥсахеит, Урыстәыла ачемпионат аҟны ҩынтә араӡны медал игахьеит. Ареитинг BoxRec инақәыршәаны Харитон Агрба аҩбатәи аҭыԥ ааникылоит зыкапан маҷу аурыс боксиорцәа рыбжьара.

Ари аиԥылараҿы Агрба дидаҭлоит Аладатәи Африка иатәу абоксиор Ксолисани Ндонгени. Рықәгылара хә-раундк азыԥҵәоуп.

Ааԥхьара ҟаҳҵоит аԥсуаа ҳҵеи иқәгылара шәахәаԥшырц, атурнир алагоит 23:20, Актәи аканал иунарбоит.

Харитон Агрба аиааира изеиӷьаҳшьоит! Иқәгылара ԥшӡахааит!